Արյունաբանության և ուռուցքաբանության կենտրոնի արյան ծառայության Գորիսի բաժանմունքի հետ համագործակցության շրջանակում մեր աշխատակիցները հերթական անգամ միացել են արյունատվության ակցիային՝ իրենց ներդրումն ունենալով կյանքեր փրկելու կարևոր գործում։
«Հանձնիր արյուն, փրկիր կյանքեր» ծրագրի շրջանակում ԶՊՄԿ-ի ավելի քան 100 աշխատակից արդեն մի քանի անգամ անհատույց արյուն է հանձնել՝ ապացուցելով, որ հոգատարությունն ու պատասխանատվությունը դրսևորվում են ոչ միայն աշխատանքում, այլև հասարակության հանդեպ վերաբերմունքում։ Հատկապես ոգևորիչ է ազդակիր Արծվանիկ համայնքում բնակվող մեր աշխատակիցների ակտիվ մասնակցությունը, ինչը վկայում է, որ մարդասիրությունն ու համերաշխությունը մեր կորպորատիվ մշակույթի անբաժանելի մասն են։
Շնորհակալություն բոլոր այն աշխատակիցներին, ովքեր իրենց օրինակով նպաստում են կամավոր արյունատվության մշակույթի տարածմանը։