Հունիսի 4-ին ՀՀ ԱԳ նախարարի տեղակալ Ռոբերտ Աբիսողոմոնյանն ընդունել է Ֆրանկոֆոնիայի միջազգային կազմակերպության դիտորդական առաքելության ղեկավար Ֆիլիպ Կուրարին:
ՀՀ ԱԳ նախարարի տեղակալը ներկայացրել է միջազգային գործընկերների հետ համագործակցությամբ ՀՀ կառավարության կողմից վերջին տարիների ընթացքում ընտրական համակարգում իրականացված բարեփոխումները՝ ուղղված ժողովրդավարական կայունության ապահովմանը և ընտրական գործընթացների բարելավմանը։
ԱԳ նախարարի տեղակալը վերահաստատել է ՀՀ հանձնառությունը հունիսի 7-ին կայանալիք խորհրդարանական ընտրություններն անցկացնելու արդար, ազատ և թափանցիկ` միջազգային չափանիշներին համապատասխան։
ԱԳ նախարարի տեղակալն անդրադարձել է նաև հիբրիդային սպառնալիքներին, այդ թվում` ապատեղեկատվության տարածմանը, որոնք մարտահրավերներ են ստեղծում ընտրական գործընթացների ամբողջականության ապահովման և ժողովրդավարական դիմակայունության ամրապնդման համար:
ՀՀ ԱԳՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: