Գեղարքունիքի մարզում ձկնորսությամբ զբաղվող մեր քաղաքացիների բողոքին ի պատասխան հայտնում ենք, որ Կառավարության որոշմամբ Սևանա լճում սիգի արդյունագործական որսի իրականացման ժամկետ սահմանվել է փետրվարի 6-ից մինչև նոյեմբերի 20-ը։ Այս մասին տեղեկացնում է Շրջակա միջավայրի նախարարությունը։
«Սևանա լճում սիգի արդյունագործական որսի համար 550 տոննա չափաքանակ է սահմանվել։ Պայմանագրերը կնքման ընթացքում են։ Հորդորում ենք որսի գործընթացն իրականացնել սահմանված կարգով և ժամկետներում»,- գրված է հաղորդագրության մեջ։