Վրաստանի Բաթումի քաղաքում շարունակվում է շախմատի կանանց Եվրոպայի անհատական առաջնությունը, որին Հայաստանից մասնակցում են 16 շախմատիստներ:
Երեք խաղափուլից հետո կանանց ՖԻԴԵ-ի վարպետ Պոլինա Կոբակը, միջազգային վարպետ Լիլիթ Մկրտչյանը, կանանց գրոսմայստեր Մարիամ Մկրտչյանը և գրոսմայստեր Էլինա Դանիելյանը ունեն 2 միավոր:
Կիտի Նադանյանը հավաքել է 1.5 միավոր: Կանանց ՖԻԴԵ-ի վարպետ Աննա Խաչատրյանը, Անի Ավետիսյանը, կանանց ՖԻԴԵ-ի վարպետ Նվարդ Հայրապետյանը, Անի Նահապետյանը և Անահիտ Մկրտչյանն ունեն 1 միավոր:
Չորրորդ տուրը կկայանա մայիսի 28-ին։