«Նիկոլ Փաշինյանի գլխավորությամբ՝ մեր երկիրը դարձրել են փորձադաշտ, այն հայտնի խոսքերով՝ մեկ էլ փորձենք, փորձը փորձանք չէ,»,- այսօր Սյունիքի մարզում նախընտրական քարոզարշավի ժամանակ ասաց ՊՆ նախկին նախարար Սեյրան Օհանյանը:
Ըստ Օհանյանի՝ Սյունիքի պաշտպանության համար ՀՀ ղեկավարությունը՝ Փաշինյանի գլխավորությամբ, ոչինչ չի արել: Նրա խոսքով՝ ադրբեջանցին ավելի արագ եկավ, բարձրացավ մեր ռազմավարական գծերը, քան թե մենք, որ մեր առջեւ ունեինք բնակեցված բնակավայրեր: ՊՆ նախկին նախարարի խոսքով՝ ՀՀ ղեկավարությունը տեր չկանգնեց բնակեցված բնակավայրերի բնակչությանը:
«7 Գորիսի կամ Կապանի տարածք Հայաստանից այսօր ադրբեջանցիները զբաղեցրել են ու հետ չեն գնում եւ դրանով իսկ պարտադրում ՀՀ իշխանություններին, ճնշումներ գործադրում, որ հայ-ադրբեջանական հարաբերություններում ունենան առավելություն»,- ասաց Սեյրան Օհանյանը:
Արփինե ՍԻՄՈՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: