Տեղի է ունեցել «Արմավիր» քրեակատարողական հիմնարկի մշակութային ինքնագործ միավորման անդամ դատապարտյալների կողմից նախաձեռնված և կազմակերպված «Թավշյա հեղափոխության ազդեցությունը բանտային համակարգի և դատապարտյալների վրա» թեմայով գիտագործնական կոնֆերանսը:
Տարբեր քրեակատարողական հիմնարկների ազատազրկված անձինք ներկայացրել են հետհեղափոխական Հայաստանում դատապարտյալների սոցիալական վերաինտեգրման նոր հնարավորությունները, պահման պայմանների բարելավումը, իրավական բարեփոխումները:
Միջոցառմանը ներկա են եղել Սրբուհի Գալյանը, Քրեակատարողական ծառայության ղեկավար Ծովինար Թադևոսյանը, Հարկադիր կատարումն ապահովող ծառայության ղեկավար Սիրո Ամիրխանյանը, Պրոբացիայի ծառայության ղեկավար Գուրգեն Աֆրիկյանը, «Հայաստանի Հանրապետության փորձագիտական կենտրոն» ՊՈԱԿ-ի տնօրեն Դավիթ Ղուլյանը, «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի տնօրեն Գևորգ Սիմոնյանը և այլ հյուրեր:
Ծառայության ղեկավար Ծովինար Թադևոսյանը նշել է, որ կոնֆերանսը լավ հնարավորություն է՝ ծանոթանալու անազատության մեջ պահվող անձանց անմիջական արձագանքին իրականացված բարեփոխումներին և շեշտադրել, որ դրանց նպատակը ազատությունից զրկված անձանց՝ պետության և օրենքի հանդեպ դրական վերաբերմունքի ձևավորումն է:
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ
ՔՐԵԱԿԱՏԱՐՈՂԱԿԱՆ ԾԱՌԱՅՈՒԹՅՈՒՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: