Ստուգմամբ պարզվել է, որ ընկերությունը շահագործում է չստուգաչափված չափիչ միջոցներ
ԵՐԵՎԱՆ, 5 փետրվարի․/ԱՌԿԱ/․ Երևանում բենզալցակայանի գործունեություն է կասեցվել։ Այս մասին հայտնում է ՀՀ Շուկայի վերահսկողության տեսչական մարմինը։
Տեսչական մարմնի կողմից իրականացվող վերահսկողական գործողությունների շրջանակում հեղուկացված ածխաջրածնային գազի և բենզինի մանրածախ վաճառքով զբաղվող Եղվարդի խճ․, 115 հասցեում գտնվող «ՄԿՕԻԼ» ՍՊԸ-ին պատկանող լցակայանում հայտնաբերվել են խախտումներ։
Ստուգմամբ պարզվել է, որ ընկերությունը շահագործում է չստուգաչափված չափիչ միջոցներ, որի արդյունքում կասեցվել է հեղուկացված ածխաջրածնային գազի և ավտոմոբիլային բենզինի 3 վառելիքաբաշխիչ աշտարակների գործունեությունը՝ մինչև հայտնաբերված խախտումների վերացումը։
«Արձանագրված իրավախախտումների համար տնտեսվարող սուբյեկտը կենթարկվի վարչական պատասխանատվության՝ օրենքով սահմանված կարգով»,-նշվում է հաղորդագրության մեջ։