«Դավադիր բորենու նման սպասել են հարմար պահի կամ հրահանգի, որ թիկունքից հարվածեն մեր պետությանը, մեր ժողովրդին: Թույլ չենք տալու»,- այսօր Վանաձորի հանրահավաքի ժամանակ ընդդիմությանը անդրադառնալով ասաց ՊՆ նախարար Սուրեն Պապիկյանը։
Նախարարի ելույթի առանցքում ընդդիմությունից հատկապես «Ուժեղ Հայաստանն» էր․ «Իրենց ուժեղ Հայաստան հորջորջող մի փոքրիկ խմբակ էլ ծվարել է Լոռիում: Ուրեմն դրանց առաջնորդը՝ կալուգացին, վերջերս երկու անգամ խոսում է Լոռին չհանձնելու, պաշտպանելու, այստեղ ջախջախիչ հաղթանակ տանելուց:
Արա՛, հայրենասեր էիր, 44-օրյա պատերազմի ընթացքում ձեր զավակներին ուղարկեիք առաջնագիծ, ինչի՞ էիք պահում մամաների փեշի տակ: Այդ ստահակներն իրենց լակոտներին պահում էին օտար երկրներում, պահում էին իրենց դղյակներում: Հիմա, կալուգացի Սամո, քեզ հարցնում եմ՝ գերդաստանումդ 6 չափահաս տղա ես ունեցել, երկուսը՝ քոնը, երկուսը՝ ախպորինդ, երկուսն էլ՝ քրոջինդ, ինչի՞ չեն վիրավորվել կամ նահատակվել հանուն Հայաստանի: Դուք ո՞ր երկրի համար եք պայքարում: Դուք դավադիր ստահակներ եք»։
Արփինե ՍԻՄՈՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: