Երեւան: Մեդիամաքս: Վարչապետ Նիկոլ Փաշինյանն այսօր ասել է, որ «Հայաստանը Ռուսաստանի հետ հարաբերություններում որեւէ կտրուկ գործողություն չի անելու»:
«ՌԴ նախագահի հետ ես ունեմ ընկերական հարաբերություններ։ Կասկածում եմ, որ 2018 թվականից սկսած՝ Ռուսաստանի նախագահը ավելի շատ շփումներ է ունեցել այլ լիդերների հետ։ Մենք 200-ից ավելի հեռախոսազրույց ենք ունեցել: Մեր վերաբերմունքը Ռուսաստանի նկատմամբ շատ ջերմ է», – Լոռիում քարոզարշավի ժամանակ ասել է Նիկոլ Փաշինյանը:
Նա նշել է, որ Ռուսաստանը գերտերություն է եւ «պետք է հարգանքով եւ ակնածանքով վերաբերվել ոչ միայն Ռուսաստանին, այլեւ՝ նրա նախագահին»։