Հասարակություն
19.05.2026 | 15:55
ԱԺ տնտեսական հարցերի մշտական հանձնաժողովը առաջին ընթերցմամբ քննարկել և դրական եզրակացություն է տվել «Խաղային գործունեության կարգավորման մասին» օրենքում փոփոխությունների փաթեթին։ ՊԵԿ նախագահի տեղակալ Ռաֆայել Գևորգյանի խոսքով՝ նախագիծը միտված է առցանց միջավայրում ապօրինի խաղատների գործունեության սահմանափակմանը, կարգավորման բացերի վերացմանը և խաղային ոլորտում պետական վերահսկողության արդյունավետության բարձրացմանը։
«ԱԺ տնտեսական հարցերի մշտական հանձնաժողովը մայիսի 19-ի հերթական նիստում առաջին ընթերցմամբ քննարկել է ««Խաղային գործունեության կարգավորման մասին» օրենքում փոփոխություններ եւ լրացումներ կատարելու մասին» օրենքի նախագիծը՝ կից օրենսդրական փաթեթով:
ՀՀ պետական եկամուտների կոմիտեի նախագահի տեղակալ Ռաֆայել Գեւորգյանի տեղեկացմամբ օրենսդրական փաթեթի ընդունումը պայմանավորված է առցանց տիրույթում ապօրինի խաղատների գործունեության սահմանափակման անհրաժեշտությամբ:
Մասնավորապես նշվել է, որ նախագծերի ընդունումը ուղղված է առցանց միջավայրում ձեւավորված կարգավորման բացերի վերացմանը եւ խաղային ոլորտում պետական վերահսկողության արդյունավետության ապահովմանը:
Այս նպատակով առաջարկվում է մի շարք կարգավորումներ ամրագրել ոլորտային օրենքներում:
Հանձնաժողովի եզրակացությունը օրենսդրական փաթեթի վերաբերյալ դրական էր:
Փաթեթը նախատեսվում է քննարկել ԱԺ առաջիկա հերթական նիստերի ընթացքում»,- ասված է հաղորդագրությունում։