Իռլանդիայի նախագահի քույրը՝ բժիշկ Մարգարետ Քոնոլլին, ձերբակալվել է «Սումուդ» նավատորմի նավի վրա և ուղևորվում է դեպի Իսրայել։
Նախագահ Քեթրին Քոնոլլին, որը հայտնի է հրեական պետության վերաբերյալ իր արմատական հայտարարություններով և «Համաս»-ին աջակցելով, մայիսի 18-ի երեկոյան հայտարարել է, որ հպարտանում է իր քրոջով։
Իսրայելի կարծով՝ նման հայտարարությունները հանգեցնում են «Իռլանդիայի և Իսրայելի միջև արդեն իսկ փխրուն հարաբերությունների հետագա վատթարացմանը»։
Իռլանդիայի առաջնորդի հայտարարությունը հնչել է Լոնդոն կատարած այցի ժամանակ, որտեղ Քեթրին Քոնոլլին Բուքինգհեմյան պալատում հանդիպել է թագավոր Չարլզ III-ի հետ։ «Ես շատ հպարտ եմ իմ քրոջով, բայց նաև շատ մտահոգված եմ նրա համար», – ասել է նախագահը։ «Ես այսօր զբաղված եմ եղել և հնարավորություն չեմ ունեցել մանրամասն տեղեկություններ ստանալ նրա և նրա ուղեկիցների մասին նավի վրա»։
Առնվազն վեց իռլանդացի քաղաքացի է մասնակցել ծովագնացությանը, որը Իսրայելի արտաքին գործերի նախարարությունը անվանել է «սադրիչների նավատորմ»։ Նրանք բոլորը Իսրայելի պաշտպանության բանակի նավի վրա են, որը նրանց կտանի Աշդոդ։ Այնտեղից նրանք կտեղափոխվեն բանտ, որտեղ կպահվեն դատավարության կամ արտաքսման համար։
Իռլանդիայի և Իսրայելի միջև հարաբերությունները կտրուկ վատթարացել են 2023 թվականին։ 2024 թվականին Իսրայելը փակել է իր դեսպանատունը Դուբլինում՝ ի նշան Իռլանդիայի կողմից Պաղեստինի պետությունը ճանաչելու և Իսրայելին Գազայում «ցեղասպանության» մեջ մեղադրելու որոշման դեմ բողոքի։