ԵՐԵՎԱՆ, ՄԱՅԻՍԻ 10, 24News
Երեկ՝ մայիսի 9-ին, խոշոր ավտովթար է տեղի ունեցել Արագածոտնի մարզում։ Ժամը 19։30-ի սահմաններում Մարգարա-Վանաձոր-Տաշիր Մ3 ավտոճանապարհի 63 կմ հատվածում, Քուչակ գյուղի վարչական տարածքում բախվել են Արագածոտնի մարզի բնակիչ 60-ամյա Հայրիկ Հ․-ի վարած «Mercedes» մակնիշի և Լոռու մարզի բնակիչ 47-ամյա Արտյոմ Ս․-ի վարած «Opel» մակնիշի ավտոմեքենաների, ինչի հետևանքով վերջինը գլխիվայր հայտնվել է երթևեկելի գոտում։
Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդներից Արտյոմ Ս․-ն մարմնական վնասվածքներով տեղափոխվել է «Ապարան» բժշկական կենտրոն։
Դեպքի վայր են ժամանել ՀՀ Ներքին գործերի նախարարության ոստիկանության Պարեկային ծառայության Արագածոտնի մարզի գումարտակի 2-րդ վաշտի 2-րդ դասակի պարեկները՝ գումարտակի հրամանատար Արտյոմ Սահակյանի, գումարտակի հրամանատարի տեղակալ Մանուկ Սարգսյանի և դասակի հրամանատար Արտակ Խուդավերդյանի գլխավորությամբ։
Վթարի փաստով Ապարանի քննչական բաժնում նախաձեռնվել է քրեական վարույթ։