Քաղաքականություն
08.05.2026 | 21:56
Վաղը՝ մայիսի 9-ին, Ադրբեջանից Հայաստան կուղարկվի դիզելային վառելիքով ութ երկաթուղային վագոն։ Ըստ ադրբեջանական լրատվամիջոցների՝ Ռուսաստանից Ադրբեջանի տարածքով Հայաստան կուղարկվի նաև պարարտանյութով վեց երկաթուղային վագոն։
Բեռները կուղարկվեն Բիլաջարի կայարանից։
Մայիսի 7-ին Ռուսաստանից Ադրբեջանի տարածքով դեպի Հայաստան իրականացվել էր ապրանքների ևս մեկ տարանցիկ փոխադրում։ Հայաստան է ուղարկվել 2 վագոն (133 տոննա) ալյումին և 9 վագոն (700 տոննա) հացահատիկ։ Ալյումինի մատակարարումները Հայաստան Ադրբեջանի տարածքով իրականացվում են առաջին անգամ։
Թարգմանությունը՝ Էմմա Չոբանյանի