Մայիսի 1-ին տեղի ունեցավ «ՖոտոԹերապիայի ստուդիայի» պաշտոնական բացումը։ Այն համադրում է հոգեբանությունն ու լուսանկարչությունը։ Լուսանկարչության կիրառումը հանդիսանում է հոգեբանական աշխատանքի և թերապևտիկ միջամտության գործիք։
ՀՀ-ում առաջին «ՖոտոԹերապիայի ստուդիայի» հիմնադիրն է՝ հ․գ․թ․, դոցենտ, կլինիկական հոգեբան, լուսանկարիչ Սոնա Հարությունյանը։
«ՖոտոԹերապիայի ստուդիայի» հիմնական ծառայություններն են՝
–Ֆոտոթերապիա․ ինքնաճանաչման և ինքնաընդունման յուրօրինակ գործընթաց, որտեղ լուսանկարները դառնում են հոգեբանական աշխատանքի գործիք։
-Ֆոտոսեսիա․ պրոֆեսիոնալ նկարահանում, որն ընդգծում է անհատականությունը և արտաքին ու ներքին գեղեցկության համադրությունը։
-Հոգեբանական զրույց․ անհատական հոգեբանական աշխատանք՝ ուղղված ներդաշնակության ամրապնդմանը։
«ՖոտոԹերապիայի ստուդիա»-ն նախատեսված է միայն կանանց համար։