Հիվանդությունների վերահսկման և կանխարգելման ազգային կենտրոնն անդրադարձել է Բյուրեղավանում արձանագրված աղիքային վարակիչ հիվանդության դեպքերին:
Ըստ գերատեսչության՝ կրկնակի նմուշառումերից արված լաբորատոր հետազոտությունների արդյունքներով՝ ջրի որակը համապատասխանում է սահմանված սանիտարահիգիենիկ նորմերին, որևէ շեղում կամ ախտածին մանրէ չի հայտնաբերվել։
«Հորդորում ենք բնակիչներին հետևել պաշտոնական տեղեկատվությանը»,- ասված է հաղորդագրությունում։
Հիվանդությունների վերահսկման և կանխարգելման ազգային կենտրոնից ապրիլի 28-ին հայտնել էին, որ իրականացվել է խմելու ջրի նմուշառում, որի արդյունքում հայտնաբերվել են շեղումներ՝ կոլիֆորմ մանրէներ:
ՀՎԿԱԿ-ից տեղեկացրել էին, որ հոսպիտալացվել է 11 անձ: «Վեոլիա Ջուր»-ը տեղեկացրել էր, որ Բյուրեղավանում խմելու ջրի հետ կապված որևէ շեղում ընկերությունը չի հայտնաբերել:
Դիտումների քանակ7