Ermenihaber. Իսրայելի նախագահ Իսահակ Հերցոգը մեկնել է Ղազախստան։ Նրա թռիչքը տևել է 8 ժամ, քանի որ Թուրքիան հրաժարվել է բացել իր օդային տարածքը։ Հերցոգի ինքնաթիռը ստիպված է եղել փոխել ու երկարացնել թռիչքուղին և հազարավոր կիլոմետրերով՝ Եվրոպայի ու Ռուսաստանի օդային տարածքով հասնել Աստանա։
Իսրայելի «12-րդ ալիք» հեռուստաընկերության հաղորդած տեղեկատվության համաձայն՝ Թուրքիան թույլ չի տվել, որ Իսրայելի վարչապետի ինքնաթիռը թռչի իր օդային տարածքով։
Ըստ հեռուստատեսության՝ Թել Ավիվ-Աստանա չվերթը, որը սովորաբար կարող էր շատ ավելի արագ իրականացվել՝ օգտագործելով Թուրքիայի օդային տարածքը, այս հարկադիր շեղման պատճառով երկարաձգվել է։
Իսրայելի նախագահը սոցիալական ցանցում գրառում է կատարել և նշել, որ անվտանգ վայրէջք է կատարել Աստանայում։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: