Բաժանորդագրվեք araratnews-ի տելեգրամ ալիքին։
Թեհրանը երաշխավորում է, որ Հորմուզի նեղուցը կմնա բաց, եթե ԱՄՆ-ն ընդունի իրականությունը տեղում և հրաժարվի իր մաքսիմալիստական պահանջներից և Իրանի ինքնիշխանության խախտումներից։
Այս մասին Անթալիայի դիվանագիտական ֆորումի շրջանակներում լրագրողներին հայտարարել է Իսլամական Հանրապետության փոխարտգործնախարար Սաիդ Խաթիբզադեն։
«Ինչպես գիտեք, Հորմուզի նեղուցը գտնվում է Իրանի տարածքային ջրերում։ Այն Իրանի տարածքի մի մասն է։ Եվ այն հազարամյակներ շարունակ բաց է մնացել Իրանի որոշմամբ։ Իրանը չափազանց վճռական և պատասխանատու խաղացող է։ Մենք մեծ նշանակություն ենք տալիս այս նեղուցի միշտ բաց մնալուն», – ասել է նա։
Այնուամենայնիվ, այժմ, հավելել է նա, որ պետք է ընդունվեն նոր կանոններ։