Հաղորդում՝ ենթադրյալ հանցագործության վերաբերյալ
«Իրազեկ քաղաքացիների միավորումը» հաղորդում է ներկայացրել ՀՀ դատախազություն՝ համացանցում տարածված տեսանյութերի առնչությամբ, որտեղ առերևույթ հնչում են արցախահայերի նկատմամբ ատելության խոսք, ներառյալ՝ նրանց ՀՀ-ից հեռացնելու հրապարակային կոչեր։
ՀԿ-ի գնահատմամբ՝ ներկայացված արտահայտությունները կարող են պարունակել՝
ՀՀ քրեական օրենսգրքի 329-րդ հոդվածով նախատեսված ատելության և թշնամանքի հրահրման հատկանիշներ,
330-րդ հոդվածով նախատեսված բռնության հրապարակային կոչի տարրեր։
Ներկայացված հաղորդմամբ հիմնավորվել է վերը նշված հանցակազմերի առերևույթ առկայությունը տեսանյութերում, դրանով միջնորդել ենք ձեռնարկել անհրաժեշտ գործողությունները՝ տեսանյութում հանդես եկող անձի ինքնությունը պարզելու և ներկայացված հանգամանքների առթիվ քրեական վարույթ նախաձեռնելու նպատակով։
Իրազեկ քաղաքացիների միավորում
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: