«Թող պահեն, ինչքան ուզում են՝ թող պահեն. որոշել են կանանց պահեն, չեն հասկանում՝ «Ուժեղ Հայաստանում» կանայք էլ են շատ ուժեղ: Ընտրակաշառքների վերաբերյալ մեր ժողովուրդը սկսել է շատ ճիշտ գնահատել. տարեկան բյուջեի հաստատման ժամանակ գումար չունենալով՝ կենսաթոշակները բարձրացնել ընտրություններից 2 ամիս առաջ ու մի հատ էլ ասել՝ միս չես կերել, բարձրացված թոշակով կուտես, դրանից լավ նախընտրական կաշառք կարո՞ղ է լինել»,- այսօր լրագրողների հետ զրույցում ասաց ՀԷՑ–ի նախկին գլխավոր տնօրենի ժամանակավոր պաշտոնակատար Դավիթ Ղազինյանը՝ անդրադառնալով այսօր վաղ առավոտից «Ուժեղ Հայաստանի» գրասենյակներում սկսած խուզարկություններին եւ 15 կուսակցականներին բերման ենթարկելու դեպքերին:
«Ռեպրեսիվ միջոցներ կիրառելուց հետո՝ ապրիլի 11-ի հանրահավաքը բոլորս տեսել ենք: Երեւի թե իրենց իշխանության օրոք ամենամեծ հանրահավաքն էր Ազատության հրապարակում: Բոլորս էլ պատրաստ ենք ե՛ւ իրենց հետ քաղաքական կռիվ տալու, ե՛ւ ազատազրկման: Չեմ կարծում՝ կլինի մարդ, որ ազատազրկման վախից մեզ հետ չի լինի: Սամվել Կարապետյանն, ի տարբերություն իրենց առաջնորդի՝ ժողովրդին չթողեց՝ փախավ, առաջինը ինքը գնաց, նստեց: Դա նշանակում է, որ ժողովուրդը տեսել է ղեկավարի՝ պայքարելու կամքը ու հիմա էլ տեսնում է : 1 միլիարդանոց ընկերություն կորցնել, 6 ամիս ազատազրկում կալանավայրում, 4 ամիս՝ տանը: Գործընթացը շատ նորմալ գնում է»,- հավելեց Ղազինյանը:
Արփինե ՍԻՄՈՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: