Դատարանները Ռոմանոս Պետրոսյանի՝ ՀԷՑ–ի աշխատակիցներին հեռացնելու հրամաններն անվավեր են ճանաչում.ՀԷՑ վերահսկողական կոմիտե
Բաժանորդագրվեք Zarkerak.am-ի տելեգրամ ալիքին։
ՀՀ դատարանները Ռոմանոս Պետրոսյանի՝ «ՀԷՑ» ՓԲ ընկերության աշխատակիցների աշխատանքային պայմանագրերը լուծելու հրամաններն անվավեր են ճանաչում: Այս մասին տեղեկանում ենք ՀԷՑ վերահսկողական կոմիտեի ֆեյսբուքյան էջից։
Հայտարարությունում մասնավորապես, նշվում է. «Շուրջ երեք տասնյակ աշխատակիցների մասով աշխատանքից ազատման հրամանների անվավեր ճանաչման արդյունքում` հօգուտ աշխատակիցների, բռնագանձման ենթակա գումարը հասնում է հարյուրավոր միլիոն դրամների, ինչն ուղիղ վնաս է հասցնելու ընկերության սեփականատերերին:
Հիշեցնենք նաև, որ սակագնով փոխհատուցվող աշխատավարձային ֆոնդի գերազանցող մասը` շուրջ 12 մլրդ ՀՀ դրամի չափով, «Տաշիր» ընկերությունների խումբն իր սեփական միջոցներից է ֆինանսավորել 2016-2025 թվականներին:
Ներկա պահին ընկերության աշխատավարձային ֆոնդը նույնպես չի տեղավորվում սակագնով փոխհատուցող գումարի սահմաններում և մասամբ ֆինանսավորվում է «Տաշիր» խմբի միջոցների հաշվին, դա նաև վերաբերում է ընտրություններից առաջ շուրջ 3500 աշխատակցի վարձատրության բարձրացմանը, քանի որ սակագնով աշխատավարձային հոդվածի բարձրացում չի եղել:
Ստացվում է, որ ՔՊ վարչության անդամը ՔՊ–ի նախընտրական փիառ է անում ՀԷՑ–ի սեփականատերերի հաշվին՝ առանց նրանց հետ համաձայնեցնելու:
Արդեն պարզ է, թե ինչ նպատակների է ծառայելու ՀԷՑ-ը»։