Մերձավոր Արևելքի լարվածության թուլացման վերաբերյալ բանակցությունները սպասվում են Պակիստանում առաջիկա օրերին, ասել է Թուրքիայի արտաքին գործերի նախարար Հաքան Ֆիդանը։
Թուրքիայի արտաքին գործերի նախարարի խոսքով՝ Պակիստանի, Սաուդյան Արաբիայի, Եգիպտոսի և Թուրքիայի ներկայացուցիչները համակարգում են Իրանի դեմ ԱՄՆ-Իսրայելական պատերազմի դադարեցման վերաբերյալ հանդիպման նախապատրաստական աշխատանքները։
Սկզբում գագաթնաժողովը նախատեսված է եղել անցկացնել Թուրքիայում, սակայն, ըստ Ֆիդանի, վայրը փոխվել է Իսլամաբադ, քանի որ պակիստանցի պաշտոնյաները ստիպված են մնալ իրենց երկրում։ «Մենք կարող ենք հանդիպել այնտեղ այս շաբաթավերջին», – նշել է Ֆիդանը։
Հանդիպումը կարող է տեղի ունենալ մարտի 30-ին։