Telegram-ի հիմնադիր Պավել Դուրովի գործողությունները հետաքննվում են ահաբեկչական գործունեությանը նպաստելու քրեական գործի շրջանակներում՝ ըստ «Российская газета»-ի հոդվածի՝ որը հիմնված է Ռուսաստանի Դաշնային անվտանգության ծառայության (ԱԱԾ) նյութերի վրա։
«Telegram-ի գործադիր տնօրեն Պ. Դուրովի գործողությունները հետաքննվում են Ռուսաստանի քրեական օրենսգրքի 205.1 հոդվածի (ահաբեկչական գործունեությանը նպաստել) 1.1 մասի համաձայն հարուցված քրեական գործի շրջանակներում»,- նշվում է հոդվածում։
Թերթի տվյալներով՝ 2022 թվականից ի վեր Telegram-ի միջոցով կատարված հանցագործությունների թիվը գերազանցել է 153,000-ը, որից մոտավորապես 33,000-ը կապված են դիվերսիայի, ահաբեկչության և ծայրահեղականության հետ, այդ թվում՝ պայթյունների, հրկիզումների և հարձակումների կազմակերպման հետ։