Ֆուտբոլի միջազգային ֆեդերացիան հայտնել է կազմակերպության ղեկավարի պաշտոնի հավակնորդների անունները։
Առաջադրվել են Ֆիլիպ Դիալոն, Կոձո Տաշիման և ՖԻՖԱ-ի գործող նախագահ Ջանի Ինֆանտինոն։
Ֆիլիպ Դիալոն Ֆրանսիայի ֆուտբոլի ֆեդերացիայի նախագահն է, Կոձո Տաշիման նախկինում ղեկավարել է Ճապոնիայի ֆուտբոլի ասոցիացիան և 2015 թվականի ապրիլից ընդգրկված է ՖԻՖԱ-ի կազմում։
Ջանի Ինֆանտինոն կազմակերպությունը գլխավորում է 2016 թվականից։
Ֆեդերացիայի նոր նախագահի ընտրությունները կկայանան 2027 թվականի մարտի 18-ին՝ Մարոկկոյի մայրաքաղաք Ռաբաթում անցկացվելիք 77-րդ կոնգրեսի շրջանակում։
ՖԻՖԱ-ի՝ անդամ ասոցիացիաների գործունեությունը կարգավորող կանոնակարգի համաձայն՝ հայտերն ուղարկվել են ընտրական հանձնաժողով՝ քննարկման և թեկնածուների մասնակցության վերաբերյալ որոշում կայացնելու նպատակով։
Ինչպես սահմանված է ՖԻՖԱ-ի կանոնադրությամբ և ընտրական օրացույցով, անդամ ասոցիացիաներն առաջադրված և ընտրություններին թույլատրված թեկնածուների անունների մասին կծանուցվեն ոչ ուշ, քան 2027 թվականի փետրվարի 18-ը։