https://arm.sputniknews.ru/20261117/paterazmy-erkar-chi-tevi-vensy-herqel-e-trampi-het-irani-harcum-taradzajnutjunneri-lury-109426257.html
Պատերազմը երկար չի տևի. Վենսը հերքել է Թրամփի հետ Իրանի հարցում տարաձայնությունների լուրը
Պատերազմը երկար չի տևի. Վենսը հերքել է Թրամփի հետ Իրանի հարցում տարաձայնությունների լուրը
Sputnik Արմենիա
ԱՄՆ փոխնախագահը հայտարարել է, որ ԱՄՆ առաջնորդի վարչակազմը Իրանի դեմ ռազմական գործողությունը երկարաձգելու ծրագրեր չունի։ 17.11.2026, Sputnik Արմենիա
2026-11-17T11:19+0400
2026-11-17T11:19+0400
2026-11-17T11:19+0400
ամն
իրանի իսլամական հանրապետություն
https://cdn.am.imgsputniknews.ru/img/07ea/02/06/98487363_0:84:1600:984_1920x0_80_0_0_e07a01e954332355f7cd9ca2dced23fc.jpg.webp
ԵՐԵՎԱՆ, 17 նոյեմբերի – Sputnik. ԱՄՆ փոխնախագահ Ջեյ Դի Վենսը հայտարարել է, որ Իրանի հարցում ինքը տարաձայնություններ չունի նախագահ Դոնալդ Թրամփի հետ։ԱՄՆ փոխնախագահն ընդգծել է, որ վարչակազմում այդ հարցի վերաբերյալ որևէ տարաձայնություն չկա։Վենսը միևնույն ժամանակ ընդունել է Իրանի հետ հակամարտության «քաղաքական արժեքը», որն արտահայտվում է բենզինի և էներգառեսուրսների բարձր գներով։«Մարդկանց հիշեցնում եմ, որ էներգառեսուրսների բարձր գները ոչ միայն Մերձավոր Արևելքում տեղի ունեցողի հետևանք են, այլև նրա, որ մենք տասնամյակներ շարունակ բավականաչափ ներդրումներ չենք արել ամերիկյան էներգետիկ ենթակառուցվածքներում», – ասել է Վենսը։ԱՄՆ փոխնախագահը հայտարարել է, որ Թրամփի վարչակազմը Իրանի դեմ ռազմական գործողությունը երկարաձգելու մտադրություն չունի և թույլ չի տա, որ այն «պարտավորության» վերածվի 2, 10 կամ 15 տարով։«Նա (Թրամփը – խմբ.) թույլ չի տա, որ սա անվերջ պատերազմի վերածվի։ Իսկ նրանք, ովքեր ցանկանում են, որ այն անվերջ դառնա, կարող են հարձակվել ինձ վրա այնքան, որքան ցանկանում են, քանի որ մենք պարտավորվել ենք դա թույլ չտալ։ Մենք ԱՄՆ ժողովրդին ասել ենք, որ այլևս որևէ անվերջ պատերազմ չի լինելու», – ասել է Վենսը։Նրա կարծիքով՝ Թրամփն ամերիկացիներին այս իրավիճակից դուրս կբերի գերազանց արդյունքներով։Ավելի վաղ Վենսը X սոցցանցում գրել էր, որ Իրանի դեմ գործողությունը հանրապետականների պարտության առանցքային գործոնը դարձավ նոյեմբերի սկզբին տեղի ունեցած միջանկյալ ընտրությունների ժամանակ։ Թրամփն իր հերթին հայտարարել է, որ փոխնախագահի հայտարարություններն Իրանի հետ հակամարտության մասին որևէ ազդեցություն չեն ունեցել իրենց հարաբերությունների վրա։
ամն
իրանի իսլամական հանրապետություն
2026
Լուրեր
am_HY
https://cdn.am.imgsputniknews.ru/img/07ea/02/06/98487363_89:0:1512:1067_1920x0_80_0_0_ba0dabc750b78c463020f4f5fdd33df1.jpg.webp
ամն, իրանի իսլամական հանրապետություն
ամն, իրանի իսլամական հանրապետություն
ԱՄՆ փոխնախագահը հայտարարել է, որ ԱՄՆ առաջնորդի վարչակազմը Իրանի դեմ ռազմական գործողությունը երկարաձգելու ծրագրեր չունի։
ԵՐԵՎԱՆ, 17 նոյեմբերի – Sputnik. ԱՄՆ փոխնախագահ Ջեյ Դի Վենսը հայտարարել է, որ Իրանի հարցում ինքը տարաձայնություններ չունի նախագահ Դոնալդ Թրամփի հետ։
«Ոչ, մենք տարաձայնություններ չունենք։ ԱՄՆ նախագահն է որոշումներ կայացնում։ Իհարկե մեզ մոտ` վարչակազմում, բանավեճեր և քննարկումներ են լինում այն մասին, թե կոնկրետ ինչ է պետք անել։ Երբ նախագահը որոշում է ընդունում, նա դիմում է կաբինետին, որն օգնում է դա իրագործելու հարցում», – Fox News-ին ասել է Վենսը։
ԱՄՆ փոխնախագահն ընդգծել է, որ վարչակազմում այդ հարցի վերաբերյալ որևէ տարաձայնություն չկա։
Վենսը միևնույն ժամանակ ընդունել է Իրանի հետ հակամարտության «քաղաքական արժեքը», որն արտահայտվում է բենզինի և էներգառեսուրսների բարձր գներով։
«Մարդկանց հիշեցնում եմ, որ էներգառեսուրսների բարձր գները ոչ միայն Մերձավոր Արևելքում տեղի ունեցողի հետևանք են, այլև նրա, որ մենք տասնամյակներ շարունակ բավականաչափ ներդրումներ չենք արել ամերիկյան էներգետիկ ենթակառուցվածքներում», – ասել է Վենսը։
ԱՄՆ փոխնախագահը հայտարարել է, որ Թրամփի վարչակազմը Իրանի դեմ ռազմական գործողությունը երկարաձգելու մտադրություն չունի և թույլ չի տա, որ այն «պարտավորության» վերածվի 2, 10 կամ 15 տարով։
«Նա (Թրամփը – խմբ.) թույլ չի տա, որ սա անվերջ պատերազմի վերածվի։ Իսկ նրանք, ովքեր ցանկանում են, որ այն անվերջ դառնա, կարող են հարձակվել ինձ վրա այնքան, որքան ցանկանում են, քանի որ մենք պարտավորվել ենք դա թույլ չտալ։ Մենք ԱՄՆ ժողովրդին ասել ենք, որ այլևս որևէ անվերջ պատերազմ չի լինելու», – ասել է Վենսը։
Նրա կարծիքով՝ Թրամփն ամերիկացիներին այս իրավիճակից դուրս կբերի գերազանց արդյունքներով։
Ավելի վաղ Վենսը X սոցցանցում գրել էր, որ Իրանի դեմ գործողությունը հանրապետականների պարտության առանցքային գործոնը դարձավ նոյեմբերի սկզբին տեղի ունեցած միջանկյալ ընտրությունների ժամանակ։ Թրամփն իր հերթին հայտարարել է, որ փոխնախագահի հայտարարություններն Իրանի հետ հակամարտության մասին որևէ ազդեցություն չեն ունեցել իրենց հարաբերությունների վրա։