https://arm.sputniknews.ru/20261112/erekhaneri-nkatmamb-serakan-bnujti-gvortsvoghutjunner-katarvoghneri-nkatmamb-orenqy-kkhstacvi-109268397.html
Երեխաների նկատմամբ սեռական բնույթի գործողություններ կատարողների նկատմամբ օրենքը կխստացվի
Երեխաների նկատմամբ սեռական բնույթի գործողություններ կատարողների նկատմամբ օրենքը կխստացվի
Sputnik Արմենիա
Առաջարկվում է օրենքով արգելել քրեական պատասխանատվությունից ազատումը գործուն զղջալու կամ հաշտվելու հիմքով։ 12.11.2026, Sputnik Արմենիա
2026-11-12T13:17+0400
2026-11-12T13:17+0400
2026-11-12T13:17+0400
հայաստան
երեխա
պոռնկություն
աժ (ազգային ժողով)
օրենք
https://cdn.am.imgsputniknews.ru/img/1668/71/16687185_20:0:982:541_1920x0_80_0_0_381ffd5f82eb19a96a4bcdf77d555b90.jpg.webp
ԵՐԵՎԱՆ, 12 նոյեմբերի – Sputnik. ՀՀ ներքին գործերի նախարարությունն առաջարկում է խստացնել օրենսդրական կարգավորումները երեխաների նկատմամբ սեռական բնույթի գործողություններ կատարած անձանց նկատմամբ։ Առաջարկվող փոփոխությունների փաթեթն ԱԺ պետական-իրավական հարցերի մշտական հանձնաժողովի նիստում ներկայացրեց ՆԳ նախարարի տեղակալ Արմեն Մկրտչյանը։Նրա խոսքով՝ ուսումնասիրությունները ցույց են տվել, որ դատական պրակտիկայում քիչ չեն այնպիսի դեպքերը, երբ 16 տարին չլրացած անձի նկատմամբ սեքսուալ բնույթի գործողություններ կամ անառակաբարո արարք կատարելու համար մեղադրվող անձինք քրեական պատասխանատվությունից ազատվում են տուժողի հետ հաշտվելու կամ գործուն զղջալու հիմքերով։«Հաշվի առնելով, որ այս հանցագործություններից տուժում են 16 տարին չլրացած երեխաները, որոնք ունեն առանձնապես անպաշտպան կարգավիճակ և մշտապես գտնվում են պետության հատուկ հոգածության ներքո, «Քրեական օրենսգրքում լրացումներ և փոփոխություններ կատարելու մասին» օրենքի նախագծով առաջարկում ենք արգելել քրեական պատասխանատվությունից ազատումը հաշտվելու կամ գործուն զղջալու հիմքերով այն անձանց նկատմամբ, որոնք հանցագործություն են կատարել երեխաների սեռական ազատության կամ սեռական անձեռնմխելիության դեմ»,- նշեց նախարարի տեղակալը։Առաջարկվում է նաև Քրեական օրենսգրքով նախատեսել նոր հոդված․ այժմ պատասխանատվություն է նախատեսված միայն մինչև 16 տարեկան անձանց սեռական ազատության կամ սեռական անձեռնմխելիության դեմ ուղղված արարքների համար։ Մինչդեռ 16 տարին լրացած երեխայի սեռական ազատության առկայությունը չի նշանակում, թե նա կարող է ներգրավվել իր համար վտանգավոր այնպիսի գործունեության մեջ, ինչպիսին պոռնկություն է։ Նախագծում ընդգծվում է՝ պոռնկությունը վնաս է հասցնում ոչ միայն երեխայի բարոյականությանը, այլև լիարժեք զարգացմանը։Օրենքով նախատեսվում է քրեական պատասխանատվություն սահմանել նաև պոռնկությամբ զբաղվող երեխայի ծառայությունից օգտվելու համար։
2026
Լուրեր
am_HY
https://cdn.am.imgsputniknews.ru/img/1668/71/16687185_140:0:861:541_1920x0_80_0_0_2785d11f49b93f54dfb23193570af06e.jpg.webp
հայաստան, երեխա, պոռնկություն, աժ (ազգային ժողով), օրենք
հայաստան, երեխա, պոռնկություն, աժ (ազգային ժողով), օրենք
Առաջարկվում է օրենքով արգելել քրեական պատասխանատվությունից ազատումը գործուն զղջալու կամ հաշտվելու հիմքով։
ԵՐԵՎԱՆ, 12 նոյեմբերի – Sputnik. ՀՀ ներքին գործերի նախարարությունն առաջարկում է խստացնել օրենսդրական կարգավորումները երեխաների նկատմամբ սեռական բնույթի գործողություններ կատարած անձանց նկատմամբ։ Առաջարկվող փոփոխությունների փաթեթն ԱԺ պետական-իրավական հարցերի մշտական հանձնաժողովի նիստում ներկայացրեց ՆԳ նախարարի տեղակալ Արմեն Մկրտչյանը։
Նրա խոսքով՝ ուսումնասիրությունները ցույց են տվել, որ դատական պրակտիկայում քիչ չեն այնպիսի դեպքերը, երբ 16 տարին չլրացած անձի նկատմամբ սեքսուալ բնույթի գործողություններ կամ անառակաբարո արարք կատարելու համար մեղադրվող անձինք քրեական պատասխանատվությունից ազատվում են տուժողի հետ հաշտվելու կամ գործուն զղջալու հիմքերով։
«Հաշվի առնելով, որ այս հանցագործություններից տուժում են 16 տարին չլրացած երեխաները, որոնք ունեն առանձնապես անպաշտպան կարգավիճակ և մշտապես գտնվում են պետության հատուկ հոգածության ներքո, «Քրեական օրենսգրքում լրացումներ և փոփոխություններ կատարելու մասին» օրենքի նախագծով առաջարկում ենք արգելել քրեական պատասխանատվությունից ազատումը հաշտվելու կամ գործուն զղջալու հիմքերով այն անձանց նկատմամբ, որոնք հանցագործություն են կատարել երեխաների սեռական ազատության կամ սեռական անձեռնմխելիության դեմ»,- նշեց նախարարի տեղակալը։
Առաջարկվում է նաև Քրեական օրենսգրքով նախատեսել նոր հոդված․ այժմ պատասխանատվություն է նախատեսված միայն մինչև 16 տարեկան անձանց սեռական ազատության կամ սեռական անձեռնմխելիության դեմ ուղղված արարքների համար։ Մինչդեռ 16 տարին լրացած երեխայի սեռական ազատության առկայությունը չի նշանակում, թե նա կարող է ներգրավվել իր համար վտանգավոր այնպիսի գործունեության մեջ, ինչպիսին պոռնկություն է։ Նախագծում ընդգծվում է՝ պոռնկությունը վնաս է հասցնում ոչ միայն երեխայի բարոյականությանը, այլև լիարժեք զարգացմանը։
Օրենքով նախատեսվում է քրեական պատասխանատվություն սահմանել նաև պոռնկությամբ զբաղվող երեխայի ծառայությունից օգտվելու համար։