«Ուժեղ Հայաստանը» բանտում ընդդիմադիրների մահվան մեջ մեղադրում է իշխանությանը

Բաժանորդագրվել

Արսեն Գևորգյանը մահացել է, նախնական տվյալներով, ինֆարկտի հետևանքով։

ԵՐԵՎԱՆ, 10 նոյեմբերի — Sputnik. Քրեակատարողական հիմնարկում ընդդիմադիր գործչի մահվան պատասխանատվությունը կրում է այն մարդը, որի պատվերով հարյուրավոր մարդկանց անհիմն վարկաբերում և կալանավորում են։ Նման հայտարարություն է տարածել «Ուժեղ Հայաստան» կուսակցությունը` անդրադառնալով «Նուբարաշեն» ՔԿՀ–ում մահացած Ստեփանավանի համայնքապետի թեկնածու Արսեն Գևորգյանի մահվանը։

Նշենք, որ Արսեն Գևորգյանը մահացել է նոյեմբերի 10-ի վաղ առավոտյան, նախնական տվյալներով՝ ինֆարկտի հետևանքով։

«Խորը վշտով տեղեկացնում ենք, որ կալանավայրում մահացել է «Ուժեղ Հայաստան» կուսակցության՝ Ստեփանավանի ՏԻՄ ընտրությունների թեկնածու Արսեն Գևորգյանը, որին իշխանությունը ընտրություններից առաջ կալանավորեց` վարկաբեկման արշավ սկսեց անհիմն մեղադրանքներով»,– ասված է հայտարարությունում։

Leave a comment