Ադրբեջանը Ուկրաինային 1.5 միլիոն դոլարի էներգետիկ սարքավորումներ է տրամադրել:
Ինչպես հաղորդում են Ուկրաինայի էներգետիկայի նախարարությունը և Կիևում Ադրբեջանի դեսպան Սեյմուր Մարդալիևը, օգնությունը ներառում է 9 ուժային տրանսֆորմատորներ, 186 կիլոմետր ընդհանուր երկարությամբ էլեկտրական մալուխներ և բաշխիչ սարքեր:
Ուկրաինայի էներգետիկայի նախարարության տվյալներով, Ռուսաստանի լայնամասշտաբ ներխուժումից ի վեր երկիրն Ադրբեջանից ստացել է 159 մարդասիրական բեռ՝ ավելի քան 2 հազար 432 տոննա ընդհանուր քաշով:
Մարդալիևը հայտնել է, որ օգնությունը փոխանցվել է Ադրբեջանի նախագահի հրամանագրով:
Անցած տարվա հուլիսին Իլհամ Ալիևը Կիևին խորհուրդ էր տվել «երբեք չհամաձայնել օկուպացիային»՝ հերթական անգամ կրկնելով Ղարաբաղյան պատերազմի վերաբերյալ իր հայտնի թեզերը:
«Ազատություն» ռ/կ հայկական ծառայություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: