«Նախատեսվո՞ւմ է ՀՀ օրենսդրության մեջ որեւէ փոփոխություն, թե՞ ՀՀ օրենսդրությունը, այդ թվում՝ մաքսային, սահմանային կարգավորումներն ամբողջ ծավալով գործելու են»,- ԱԺ արտաքին հարաբերությունների մշտական հանձնաժողովի նիստում Հայաստանի Հանրապետության և Ամերիկայի Միացյալ Նահանգների միջև «Թրամփի ուղի՝ հանուն միջազգային խաղաղության և բարգավաճման» նախագծի (ԹՐԻՓՓ) վերաբերյալ ռազմավարական համագործակցության մասին շրջանակային համաձայնագիրը վավերացնելու մասին նախագծի քննարկման ժամանակ արտաքին գործերի և միջազգային առևտրի նախարար Արարատ Միրզոյանին հարցրեց «Ուժեղ Հայաստան» խմբակցության պատգամավոր Մարիաննա Ղահրամանյանը։
Արարատ Միրզոյանն ի պատասխան ասաց․ «Ես ափսոսում եմ ձեր ժամանակի համար, հարցի պատասխանը փաստաթղթում կա։ Այնտեղ գրված է, արդեն 6 ամիս սա հանրայնացված է։ Այս համաձայնագրում գրված է, որ կարող են լինել համաձայնագրից բխող օրենսդրական փոփոխություններ։ Այդպիսի փոփոխություններ լինում են, եղել են, մենք ՀՀ-ում բազմաթիվ անգամ արել ենք բազմաթիվ այլ միջազգային համաձայնագրերից վավերացումից առաջ։ Եվ սա ձեզ համար ամենասահմռկեցուցիչ մասն է պատասխանի՝ այդ փոփոխությունների նախագիծը հրապարակված է»։
Մանրամասները՝ տեսանյութում
Մարիաննա Ղահրամանյանն ասաց․ «Ձեր կառավարության կողմից մեր երկրի գլխին բերած աղետալի եռապատերազմից, Արցախի հայաթափումից հետո ուրիշ սահմռկեցուցիչ բան դժվար է պատկերացնել։ Մեկ էլ կարող է լինել, որ այդ նույնը, Աստված մի արասցե, չբերեք Հայաստանի գլխին»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: