«Արդարադատություն» ըստ Ադրբեջանի. «Ավրորայի» մրցանակային գումարը Բաքվի դատարանը վարձկանության վճար է համարել 

Սկիզբը՝ այստեղ:

Մաս 7

«Փաստինֆոն» շարունակում  է «Արդարադատություն ըստ Ադրբեջանի»  խորագրով հրապարակումների շարքը՝ վերլուծելով Ռուբեն Վարդանյանի գործով մեղադրական եզրակացությունն ու դատավճիռը:

ԽԱՂԱՂՈՒԹՅԱՆ և ՄԱՐԴԿՈՒԹՅԱՆ ԱՆՎՏԱՆԳՈՒԹՅԱՆ ԴԵՄ ՀԱՆՑԱԳՈՐԾՈՒԹՅՈՒՆՆԵՐ

Հոդված 114.1 — Վարձկանություն (վարձկանների հավաքագրում, ուսուցում, ֆինանսավորում, օգտագործում)

Վերագրվող արարք. «Առնվազն 2000» օտարերկրացի՝ 27.09.2020-ից. VoMA-ի հիմնադիր Վ. Վարդանովի հետ «համաձայնություն»: «Ավրորայի» միջոցների բաշխում «150 քրդական ծագում ունեցող վարձկանների»։

Մեղադրանքի հիմքում  դրված ապացույցներ. Հավաքագրման կամ ֆինանսավորման ապացույցները բացակայում են։ Ներկայացված է մեկ WhatsApp հաղորդագրություն (22.05.2022)՝ VoMA-ի յոթ հրահանգչի անուններով, VoMA-ի 2022 թ. մայիսի 1-ի վարժանքին  Ռուբեն Վարդանյանի մասնակցության մասին մամուլի մեկ հրապարակում և «օպերատիվ տեղեկություններ»։ «2000 օտարերկրացու» մասին որևէ ցուցակ, անուն կամ վճարման փաստաթուղթ չկա։

Սահմանված պատիժ. Դատավճռով նշանակված է 11 տարի ազատազրկում։

Տարոն Սիմոնյանի վերլուծությունը. Դատարանը «Ավրորայի» մրցանակաբաշխությունը վարձկանության վճար է դիտարկվել։  Ինչ վերաբերում է VoMA-ին, ապա նրա  հրահանգիչները Հայաստանի քաղաքացիներ են և վարձկանության կարգավորման տակ չեն կարող ընկնել։ Վարժանքին մասնակցելը հավաքագրում չէ։ Մեղսագրվող «2000 օտարերկրացու» ժամանակահատվածը համընկնում է այն հատվածի հետ, երբ Ռուբեն Վարդանյանն անգամ Արցախում չէր։ Ի դեպ, որպես  VoMA-ի հետ «համաձայնության» ամսաթիվ դատարանը նշում է 2013 թվականը, որն իրականում VoMA-ի հիմնադրման ամսաթիվն է, մինչդեռ վկայակոչվող նամակագրությունը 2022 թվականից է։