https://arm.sputniknews.ru/20261007/teracumner-eghel-en-hetevanqner-eghel-en-eli-klinen-papikjany-shaqii-depqi-masin-107803712.html
Թերացումներ եղել են, հետևանքներ եղել են, էլի կլինեն․ Պապիկյանը՝ Շաքիի դեպքի մասին
Թերացումներ եղել են, հետևանքներ եղել են, էլի կլինեն․ Պապիկյանը՝ Շաքիի դեպքի մասին
Sputnik Արմենիա
Ավելի վաղ Փաշինյանն էր հայտարարել, թե ադրբեջանցի զինծառայողը հանձնվել է առանց դիմադրություն ցույց տալու։ 07.10.2026, Sputnik Արմենիա
2026-10-07T17:31+0400
2026-10-07T17:31+0400
2026-10-07T17:31+0400
սուրեն պապիկյան
https://cdn.am.imgsputniknews.ru/img/07ea/0a/07/107794514_0:83:1600:983_1920x0_80_0_0_40e566f1e0b3e87968676cc4fb7e0d47.jpg.webp
ԵՐԵՎԱՆ, 7 հոկտեմբերի – Sputnik․ ՀՀ պաշտպանության նախարար Սուրեն Պապիկյանն ընդունում է՝ թերացումներ, ըստ էության, եղել են, որոնց արդյունքում էլ ադրբեջանցի զինծառայողը կարողացել է ոչ միայն անցնել սահմանը, այլև հասնել բնակավայր։ Այդ մասին նա ասաց այսօր ԱԺ-ում կառավարության անդամների հետ հարցուպատասխանի ժամանակ։Նախարարը նշեց՝ այդ թերացումներն արդեն իսկ ունեցել են հետևանքներ և դեռ կունենան, սակայն ամբողջական հետևանքների մասին կխոսի ծառայողական քննությունների և քննչական գործողությունների ավարտից հետո։ Շեշտեց՝ երբ ՀՀ պատկան մարմինները տեղեկացել են հնարավոր միջադեպի մասին, տեղի են ունեցել իրավական ակտերով սահմանված գործողություններ, այդ թվում՝ փնտրողական աշխատանքներ։Պապիկյանը նաև անդրադարձավ սոցցանցերում շրջանառվող այն վարկածին, թե ադրբեջանցի զինծառայողը կարող էր դիվերսանտ լինել։ ՀՀ պաշտպանության նախարարը նշում է՝ նա դիվերսանտ չէր։«Տվյալ անձնավորությունը դիմադրություն ցույց չի տվել ՀՀ պատկան մարմինների կողմից ձերբակալության ժամանակ։ Դա արդեն ցուցիչ էր նրա, որ նա դիվերսանտ չէր»,- հայտարարեց Պապիկյանը։Հիշեցնենք, որ երեկ «Ինֆոքոմի» հետ հարցազրույցի ժամանակ ՀՀ վարչապետ Նիկոլ Փաշինյանը ևս նշեց, թե ձերբակալության ժամանակ ադրբեջանցի զինծառայողը դիմադրություն ցույց չի տվել, նրա մոտ ամբողջական պահունակով ավտոմատ է եղել։ Երբ մեր իրավապահ մարմինները մոտեցել են, նա առանց դիմադրության հանձնվել է։Ավելին, Փաշինյանն ասաց, թե նախնական տվյալներով՝ ադրբեջանցի զինծառայողը «գնացել է, էդ տանը քնել, հետո տանտերերը եկել են, հայտնաբերել են, և էդ անսպասելիության, խառնաշփոթի մեջ տեղի է ունեցել էդ ամեն ինչը»։Նրա խոսքով՝ քանի որ երկու կողմն էլ դեռ բուժօգնություն է ստանում և չեն կարող ամբողջական ներկայացնել եղելությունը, պետք է սպասել ապաքինմանը՝ մանրամասն հարցաքննության համար։ Փաշինյանը բացարձակ անհեթեթություն է անվանել այն տեղեկությունները, թե դիվերսիա է եղել կամ սահմանը 1-ից ավելի ադրբեջանցիներ են անցել։
2026
Լուրեր
am_HY
https://cdn.am.imgsputniknews.ru/img/07ea/0a/07/107794514_90:0:1511:1066_1920x0_80_0_0_c849562f83f9a983fb1e9fe04ee01f6f.jpg.webp
սուրեն պապիկյան
սուրեն պապիկյան
Ավելի վաղ Փաշինյանն էր հայտարարել, թե ադրբեջանցի զինծառայողը հանձնվել է առանց դիմադրություն ցույց տալու։
ԵՐԵՎԱՆ, 7 հոկտեմբերի – Sputnik․ ՀՀ պաշտպանության նախարար Սուրեն Պապիկյանն ընդունում է՝ թերացումներ, ըստ էության, եղել են, որոնց արդյունքում էլ ադրբեջանցի զինծառայողը կարողացել է ոչ միայն անցնել սահմանը, այլև հասնել բնակավայր։ Այդ մասին նա ասաց այսօր ԱԺ-ում կառավարության անդամների հետ հարցուպատասխանի ժամանակ։
Նախարարը նշեց՝ այդ թերացումներն արդեն իսկ ունեցել են հետևանքներ և դեռ կունենան, սակայն ամբողջական հետևանքների մասին կխոսի ծառայողական քննությունների և քննչական գործողությունների ավարտից հետո։ Շեշտեց՝ երբ ՀՀ պատկան մարմինները տեղեկացել են հնարավոր միջադեպի մասին, տեղի են ունեցել իրավական ակտերով սահմանված գործողություններ, այդ թվում՝ փնտրողական աշխատանքներ։
Պապիկյանը նաև անդրադարձավ սոցցանցերում շրջանառվող այն վարկածին, թե ադրբեջանցի զինծառայողը կարող էր դիվերսանտ լինել։ ՀՀ պաշտպանության նախարարը նշում է՝ նա դիվերսանտ չէր։
«Տվյալ անձնավորությունը դիմադրություն ցույց չի տվել ՀՀ պատկան մարմինների կողմից ձերբակալության ժամանակ։ Դա արդեն ցուցիչ էր նրա, որ նա դիվերսանտ չէր»,- հայտարարեց Պապիկյանը։
Հիշեցնենք, որ երեկ «Ինֆոքոմի» հետ հարցազրույցի ժամանակ ՀՀ վարչապետ Նիկոլ Փաշինյանը ևս նշեց, թե ձերբակալության ժամանակ ադրբեջանցի զինծառայողը դիմադրություն ցույց չի տվել, նրա մոտ ամբողջական պահունակով ավտոմատ է եղել։ Երբ մեր իրավապահ մարմինները մոտեցել են, նա առանց դիմադրության հանձնվել է։
Ավելին, Փաշինյանն ասաց, թե նախնական տվյալներով՝ ադրբեջանցի զինծառայողը «գնացել է, էդ տանը քնել, հետո տանտերերը եկել են, հայտնաբերել են, և էդ անսպասելիության, խառնաշփոթի մեջ տեղի է ունեցել էդ ամեն ինչը»։
Նրա խոսքով՝ քանի որ երկու կողմն էլ դեռ բուժօգնություն է ստանում և չեն կարող ամբողջական ներկայացնել եղելությունը, պետք է սպասել ապաքինմանը՝ մանրամասն հարցաքննության համար։ Փաշինյանը բացարձակ անհեթեթություն է անվանել այն տեղեկությունները, թե դիվերսիա է եղել կամ սահմանը 1-ից ավելի ադրբեջանցիներ են անցել։