Իրանագետ Ժաննա Վարդանյանի «Իրանն այսօր» տելեգրամյան ալիքից տեղեկանում ենք.
Թեհրանում հանդիպել են Իրանի ու Ադրբեջանի տնտեսական համագործակցության հարցերով միջկառավարական հանձնաժողովի համանախագահները՝ Ադրբեջանի փոխվարչապետ Շահին Մուստաֆաևը և ԻԻՀ Ճանապարհների ու քաղաքաշինության նախարար Ֆարզանե Սադեղը:
🔸Քննարկվել են երկկողմ համագործակցության, առևտրաշրջանառության ծավալների աճի և ենթակառուցվածքային նախագծերի առաջմղման հարցեր, այդ թվում՝
➡️ Քալալե-Աղբանդ կամրջի և տերմինալի կառուցում և շահագործում,
➡️ Ջոլֆայից Քալալե ավտոճանապարհի լայնացում,
➡️ Ջոլֆա-Քալալե երկաթուղային նախագծի առաջմղում,
➡️ Աստարայի երկաթուղային բեռնատար տերմինալի գործարկում,
➡️«Հյուսիս-Հարավ» միջազգային տրանսպորտային միջանցքի զարգացում ու դրա թողունակության ավելացում։
🔸Հայտարարվել է, որ Քալալե-Աղբանդ կամրջի և Աստարայի երկաթուղային տերմինալի կառուցումը գրեթե ավարտված են, և քննարկվում է ամենասեղմ ժամկետներում գործարկման հարցը (Հունվարին ասում էին՝ կամուրջը մինչև մարտի կեսեր շահագործման կհանձնվի: Նախագծերի մասին մանրամասն՝ այստեղ):
🔹Ադրբեջանական պատվիրակության այցի շրջանակներում հանդիպել են նաև իրանական «Թավանիր» ընկերության գլխավոր տնօրեն Մոհամմադ Ալլահդադը և Ադրբեջանի էներգետիկայի փոխնախարար Էլնուր Սուլթանովը: Քննարկել են՝
➡️Առաջիկա ձմռան ամիսներին Ադրբեջանից էլեկտրաէներգիայի ներկրման ավելացման հարցը:
➡️«Գազ՝ էլեկտրաէներգիայի դիմաց» սվոփ մեխանիզմի գործարկման հնարավորությունը. Իրանը մատակարարելու է գազ, իսկ դրա դիմաց Ադրբեջանից ստանալու է էլեկտրաէներգիա: Այս հարցով դեռ փորձագիտական ուսումնասիրություն պետք է անցկացվի:
➡️ Նախիջևանում արևային էլեկտրակայանների կառուցման ծրագրերում իրանցի ներդրողների ներգրավման հնարավորությունը:
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: