Հանրային հեռուստաընկերությունը վստահեցրել է, որ համապատասխան աշխատանքային ընթացակարգերը վերանայվում են։
«Սեպտեմբերի 27-ին Հանրային հեռուստաընկերության եթերում հեռարձակված ժամանցային համերգը սխալ էր, և մենք ամբողջությամբ ընդունում ենք դրա պատասխանատվությունը։ Մենք չենք փորձելու տեղի ունեցածն արդարացնել ծրագրային, տեխնիկական կամ աշխատանքային հանգամանքներով։ Ներողություն ենք խնդրում կատարվածի համար»,- ասված է հայտարարությունում։
Հանրային հեռուստաընկերությունն ընդգծել է` վերանայվում են համապատասխան աշխատանքային ընթացակարգերը՝ նման դեպքերի կրկնությունը բացառելու համար։
Հիշեցնենք` սեպտեմբերի 27-ին Հանրային հեռուստատեսությունը եթեր է հեռարձակել Թաթա Սիմոնյանի` Գյումրիում կայացած համերգի տեսաձայնագրությունը, ինչը վրդովմունքի ալիք է բարձրացրել հատկապես սոցցանցերում։