Հռոմի պապ Լևոն 14-րդի՝ Ֆրանսիա կատարած քառօրյա այցը մեծ ոգևորություն է առաջացրել. հսկայական բազմություններ են հավաքվել նրա մասնակցությամբ բոլոր հանրային միջոցառումներին։ Շաբաթ օրը հարյուրավոր հազարավոր մարդիկ հավաքվել են Փարիզի Համաձայնության հրապարակում (Place de la Concorde)՝ մասնակցելու Պապի մատուցած բացօթյա պատարագին, գրել է RFI-ն։
Համաձայնության հրապարակում կայանալիք մասնակցելու համար գրանցվել էր շուրջ 600 000 մարդ։ Մարդկանց մեծ հոսքի պատճառով միջոցառմանը հետևելու տարածքն ընդլայնվել է՝ ներառելով «Գրանդ Արմե» պողոտան (Avenue de la Grande Armée), որը Շանզ-Էլիզեի շարունակությունն է Հաղթանակի կամարից այն կողմ։
Հազարավոր մարդիկ պատարագին մասնակցելու համար ժամանել էին դեռ միջոցառման մեկնարկից ժամեր առաջ, ընդ որում՝ շատերը եկել էին այլ քաղաքներից։ Շանզ-Էլիզեի և հարակից փողոցների երկայնքով կարգուկանոնին հետևում են շուրջ 15 000 կամավորներ։ Այդ առիթով Համաձայնության հրապարակում խորան էր կառուցվել։ Շանզ-Էլիզեի երկայնքով տեղադրվել են քառասուն մեծ էկրաններ՝ արարողությունը հեռարձակելու նրանց համար, ովքեր հնարավորություն չունեն անձամբ տեսնելու Հռոմի պապին։
Վերջին անգամ Հռոմի պապ Փարիզ էր այցելել 2008 թվականին, երբ Բենեդիկտոս 14-րդն էր եղել կաթոլիկ եկեղեցու առաջնորդը։