ՌԴ ԱԳՆ-ն ԵՄ-ի կողմից Հայաստանին աջակցության խոստումները «դեկլարատիվ» է անվանել

Բրյուսելի կողմից Հայաստանին խոստացված աջակցության միջոցները հեռու են իրականությունից։ Այս մասին ՌԻԱ Նովոստիին տված հարցազրույցում հայտարարել է ՌԴ ԱԳՆ Եվրոպական խնդիրների դեպարտամենտի տնօրեն Վլադիսլավ Մասլեննիկովը։

«ԵՄ-ականների կողմից Հայաստանին ներկայում առաջարկվող աջակցության միջոցառումները հիմնականում դեկլարատիվ բնույթ են կրում»,- նշել է դիվանագետը։

Նա հայտարարել է, թե ԵՄ ներքին շուկան բարձր մրցակցային է և կարգավորվող, և հայկական արտադրանքն այնտեղ «գրկաբաց չի ընդունվի»։ Միաժամանակ, թեկնածու երկրները տասնամյակներ շարունակ սպասում են ԵՄ անդամակցությանը։

Ավելի վաղ էլ Մասլեննիկովը ՀՀ քաղաքացիներին կոչ էր արել գնահատել եվրաինտեգրման վտանգները։

Թարգմանությունը՝ Էմմա Չոբանյանի