«Միֆը, որ իշխանություններն ամբողջ քարոզարշավի ընթացքում տարածում էին, դատելով դրա կարկատած ձայնագրություններից ու ամբողջ ընթացքից՝ ընտրական և հետընտրական շրջանում, փլուզվել է»,- խորհրդարանական ճեպազրույցներում հայտարարեց «Ուժեղ Հայաստան» խմբակցության պատգամավոր Մարիաննա Ղահրամանյանը։
Լրագրողը հետաքրքրվել էր՝ ինչո՞ւ առաջիկայում կայանալիք ՏԻՄ ընտրություններին «Ուժեղ Հայաստանը» չի մասնակցում, և մեջբերել էր իշխող ուժի ներկայացուցիչներին, որոնք հայտարարում են, թե կուսակցությունը չի մասնակցում ՏԻՄ ընտրություններին, քանի որ չի կարող ընտրակաշառք բաժանել։
Ընդդիմադիր պատգամավորը նկատեց՝ ընտրակաշառքների մեղադրանքը փլուզվել է նաև իշխանության սրտի Սահմանադրական դատարանում՝ ուշադրություն հրավիրելով այն դեպքերի վրա, երբ ՔՊ-ականները և մերձիշխանական անձինք տարբեր «խրախուսանքի» միջոցների են դիմել՝ ձայներ ներգրավելու համար։
Նա նաև տեղեկացրեց, որ Ստեփանավանում, որտեղ թեժ պայքար է սպասվում, «Ուժեղ Հայաստանն» առաջադրել է իր թեկնածուին։
«Ուժեղ Հայաստան» խմբակցության քարտուղար Տիգրան Աբրահամյանն էլ հավելեց՝ ՔՊ-ին մեծ փորձություն է սպասվելու Ստեփանավանում։
Այլ համայնքներում ՏԻՄ ընտրություններին մասնակցության հարցը կուսակցությունն առաջիկայում կքննարկի։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: