Միացյալ Նահանգների նախագահը կոչ է արել ավարտել պատերազմը Ուկրաինայում՝ այն որակելով «խայտառակություն», որի հետևանքով տուժում է ամբողջ աշխարհը:
«Ռուսաստանը դժբախտաբար կորցրել է վերահսկողությունը Դիզելային Վառելիքի արտադրության նկատմամբ Ուկրաինայի հետ իր Պատերազմի պատճառով», – գրել է Դոնալդ Թրամփը իր Truth Social սոցցանցում, – «Նրանց մեծ թվով Դիզելային վառելիքի վերամշակման գործարաններ պայթեցվել են և առնվազն ժամանակավորապես շարքից դուրս են եկել»:
«Այս ծիծաղելի և երբեք չվերջացող Պատերազմը Ուկրաինայի հետ պետք է ավարտվի: Ամբողջ աշխարհն է տուժում, մինչ 25 հազար մարդ, մեծամասամբ՝ զինվորներ, սպանվում են ամեն ամիս: Ինչպիսի խայտառակություն», – ընդգծել է Թրամփը:
Ավելի վաղ ԱՄՆ նախագահը հայտարարել էր, թե Ուկրաինայի նախագահը պետք է դադարեցնի հարվածները Ռուսաստանում դիզվառելիքի արտադրությանը, և հայտնել, թե խոսել է Զելենսկու հետ այդ թեմայով: Դրանից օրեր անց Թրամփը վստահեցրել էր, որ Ուկրաինան և Ռուսաստանը համաձայնության են եկել չհարվածել միմյանց էներգետիկ օբյեկտներին:
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: