«Առաջարկում եմ՝ ձեզնից յուրաքանչյուրը մի պահ հետևի, թե ինչ է կատարվում Գյումրու քաղաքապետարանի պաշտոնական էջում․ այնտեղ տարածում են Կոմունիստական կուսակցության հայտարարությունները, կարծում եմ՝ Լենինը դագաղում շուռ է գալիս»,- լրագրողների հետ ճեպազրույցում այսպիսի կարծիք հայտնեց «Քաղաքացիական պայմանագիր» խմբակցության պատգամավոր Նազելի Բաղդասարյանը։
Նա հայտարարեց, որ Գյումրիում անիշխանություն է տիրում։
Լրագրողների հակադարձմանը՝ բայց Երևանում էլ բազմաթիվ խնդիրներ կան՝ աղբահանություն, խցանումներ, քանդված փողոցներ և այլն և հարցին՝ ՔՊ-ն չի կարծո՞ւմ, որ Երևանում էլ է պետք իշխանափոխություն, Նազելի Բաղդասարյանն այսպես արձագանքեց․ «Ամեն դեպքում չեմ լսել, որ ընդդիմությունը նման օրակարգ առաջ մղի»։
Հիշեցմանը՝ իր դեմ մեղադրանքներ են հնչում, որ ժամանակին հիացական հայացքներով հարցազրույցներ էր անում Վարդան Ղուկասյանի հետ, հիմա դեմ է խոսում, նա արձագանքեց․ «Լրագրողը կարող է հարցազրույցներ անել տարբեր մարդկանց հետ․ դա որևէ կերպ, որևէ դեպքում, ժամանակահատվածում չի կաշկանդելու բարձրացնել կնճռոտ հարցեր։ Ես այդ ժամանակ աշխատել եմ հեռուստաընկերությունում, տարբեր մարդիկ են եղել իմ հյուրերը, այս պահին ԱԺ-ում գործող այլ ընդդիմադիր պատգամավորներ»։
ԱԺ պատգամավորների ճեպազրույցներն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: