Բաժանորդագրվեք araratnews-ի տելեգրամ ալիքին։
Աբու Դաբիի ազգային նավթային ընկերության (ADNOC) երկու նավ է հարձակման ենթարկվել Հորմուզի նեղուցում․ տուժածներ չկան։
Այդ մասին ասվում է հայտարարության մեջ, որը փոխանցել է ԱՄԷ-ի WAM լրատվական գործակալությունը, հաղորդում է ՏԱՍՍ-ը:
«Օգոստոսի 13-ին երեկոյան ընկերության երկու նավ հարձակման ենթարկվեց Հորմուզի նեղուցով անցնելիս։ Միջադեպի հետևանքով ոչ ոք չի տուժել, իրավիճակը վերահսկելի է»,- նշել են ADNOC-ում։
Իր հերթին ԱՄԷ-ի ԱԳՆ-ն հարձակման պատասխանատվությունը դրել է Իրանի վրա։ Աբու Դաբին նաև պահանջել է Թեհրանից դադարեցնել ագրեսիվ գործողությունները և «լիովին ու անվերապահորեն բացել նեղուցը»։