1tv.ge. «Վրաստանի տարածքները օկուպացրած միակ պետությունն ու կողմը, իհարկե, Ռուսաստանի Դաշնությունն է, սա շատ չոր փաստ է», – լրագրողներին ասել է Վրաստանի վարչապետ Իրակլի Կոբախիձեն։
Կառավարության ղեկավարի խոսքով՝ Ռուսաստանի Դաշնությունը օկուպացրել է Վրաստանի տարածքների 20%-ը, ինչը վրացական պետության դեմ հանցագործություն էր։
«Ինչ վերաբերում է օկուպացիային, ապա ամեն ինչ բացարձակապես պարզ է։ Այս մասին շատ հայտարարություններ են արվում, և դա կասկածի տակ դնելու կարիք չկա։ Իհարկե, Ռուսաստանի Դաշնությունը օկուպացրել է Վրաստանի տարածքների 20%-ը, ինչը վրացական պետության, մեր ժողովրդի դեմ հանցագործություն էր, սա վրացական պետության, վրաց ժողովրդի դեմ կատարված բացահայտ հանցագործություն է։ Սա օկուպացիա էր, իսկ հետո եղավ այսպես կոչված ճանաչումը», – ասել է Իրակլի Կոբախիձեն։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: