«Քո արցունքները մեր արցունքներն են, կապիտան». Լիոնել Մեսսին պարտությունից հետո չկարողացավ զսպել արցունքները

Արգենտինայի հավաքականի ավագ Լիոնել Մեսսին երեկ՝ աշխարհի առաջնության եզրափակչում Իսպանիայից 1:0 հաշվով լրացուցիչ ժամանակում կրած պարտությունից հետո, չկարողացավ զսպել արցունքները։ Հանդիպման ավարտից հետո նա նստել էր խաղադաշտում, աչքերից արցունքներ էր սրբում, իսկ մրցանակաբաշխության ժամանակ նույնպես ակնհայտորեն հուզված էր։ Այդ կադրերը լայն տարածում գտան սոցիալական ցանցերում և միջազգային մամուլում։

Հաշվի առնելով, որ Մեսսին այժմ 39 տարեկան է, այս եզրափակիչը շատերի կողմից դիտարկվում է որպես նրա վերջին հանդիպումը աշխարհի առաջնություններում, ինչն էլ ավելի հուզիչ դարձրեց այդ պահը։ Թեև նա դեռ պաշտոնապես չի հայտարարել ազգային հավաքականից հեռանալու մասին, շատ աղբյուրներ նշում են, որ սա, ամենայն հավանականությամբ, աշխարհի առաջնության նրա վերջին խաղն էր։

Լիոնել Մեսսիի ՝ անընդմեջ երկու անգամ ՖԻՖԱ-ի աշխարհի առաջնության տիտղոս նվաճելու երազանքը հուզիչ ավարտվեց։

Արգենտինայի ֆուտբոլի ասոցիացիան (AFA) տարածեց սրտառուչ ուղերձ՝ նվիրված իրենց լեգենդար ավագին. «Քո արցունքները մեր արցունքներն են, կապիտան։ Դու մեզ պարգևեցիր մեր կյանքի ամենամեծ ուրախությունները։ Շնորհակալություն նվիրվածության, կախարդանքի համար և մինչև վերջին վայրկյանը քո ամբողջ ուժը տալու համար։ Մենք քեզ հավերժ սիրում ենք, Լեո», – գրել է ֆեդերացիան X-ում։