13:40 13.07.2026 (Թարմացված է: 13:42 13.07.2026)
Բաժանորդագրվել
Քննչական կոմիտեում դեպքի առնչությամբ վարույթ է նախաձեռնվել։
ԵՐԵՎԱՆ, 13 հուլիսի – Sputnik. Երևանում փտած հաստաբուն ծառի ընկնելու հետևանքով մահացած մոպեդավարը Թուրքմենստանի քաղաքացի է։ Տեղեկությունը հայտնում է shamshyan.com-ը։
Նշենք, որ հուլիսի 11-ին Երևանի Աշտարակի խճուղում հաստաբուն ծառն ընկել էր ընթացող մեքենայի և մոպեդի վրա։ Դեպքի հետևանքով մոպեդավարը տեղում մահացել էր։
«Մոպեդը վարել է Թուրքմենստանի քաղաքացի 50-ամյա Ումիրով Ուռալին, իսկ Honda–ն վարել է Երևանի բնակիչ Վարուժան Բաղդասարյանը»,– գրում է կայքը։
Հայտնում են նաև, որ ՔԿ–ում քրեական վարույթ է նախաձեռնվել Երևանում արմատից չորացած, փտած ծառի տապալման դեպքի առնչությամբ։