ՀՀ արդարադատության նախարարի տեղակալներ Տիգրան Դադունցը և Օկսաննա Աբրահամյանն ընդունել են Էստոնիայի Հանրապետության գլխավոր դատախազի գլխավորած պատվիրակությանը
Հանդիպման ընթացքում անդրադարձ է կատարվել Եվրոպական միության հետ վիզաների ազատականացման գործընթացին։
Նշվել է, որ Արդարադատության նախարարությունը ևս ներգրավված է վիզաների ազատականացմանն ուղղված գործողությունների ծրագրից բխող միջոցառումներում, որոնք ներառում են, մասնավորապես, անձնական տվյալների պաշտպանության, հակակոռուպցիոն քաղաքականության և իրավական փոխօգնության ոլորտների զարգացումը:
Քննարկվել են նաև Արդարադատության նախարարության բարեփոխումների առաջնահերթությունները, որոնք ներառում են դատական և իրավական բարեփոխումները:
Հանդիպման ընթացքում առանձին անդրադարձ է կատարվել արդարադատության համակարգի թվայնացմանը։
Ընդգծվել է, որ Հայաստանի համար Էստոնիայի փորձը կարևոր ուղենիշ է, քանի որ այն հիմնված է տեխնոլոգիական նորարարությունների, ամուր իրավական հիմքերի և արդյունավետ ինստիտուցիոնալ լուծումների վրա:
Կողմերը կարևորել են երկկողմ համագործակցության ընդլայնումը՝ ներառյալ թվային արդարադատության, հակակոռուպցիոն քաղաքականության, ինչպես նաև վեճերի լուծման արդյունավետ եղանակների շուրջ փորձի փոխանակման ուղղություններով։
ՀՀ արդարադատության նախարարություն
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: