https://arm.sputniknews.ru/20260602/british-petroleum-y-hrazharvel-e-adrbejanic-durs-ekvogh-navtamughneri-operatvori-gvortsarujtic-102930322.html
British Petroleum-ը հրաժարվել է Ադրբեջանից դուրս եկող նավթամուղների օպերատորի գործառույթից
British Petroleum-ը հրաժարվել է Ադրբեջանից դուրս եկող նավթամուղների օպերատորի գործառույթից
Sputnik Արմենիա
Ռուս փորձագետի կարծիքով՝ խնդիրն այն է, որ Ադրբեջանը նվազեցնում է նավթի արդյունահանման ծավալները. 10 տարվա ընթացքում ծավալները նվազել են միջինում տարեկան 3,6%… 02.06.2026, Sputnik Արմենիա
2026-06-02T20:40+0400
2026-06-02T20:40+0400
2026-06-02T20:40+0400
նավթ
socar նավթային ընկերություն
ադրբեջան
թուրքիա
վրաստանի հանրապետություն
https://cdn.am.sputniknews.ru/img/892/58/8925893_0:0:2000:1125_1920x0_80_0_0_8463882157b8d8200cf711da5a0818dd.jpg.webp
ԵՐԵՎԱՆ, 2 հունիսի – Sputnik. British Petroleum անդրազգային նավթագազային կորպորացիան Ադրբեջանին է փոխանցում երկու ռազմավարական նավթամուղների օպերատորի գործառույթները:Իսկ BP-ի արդյունահանման և գործառնությունների գծով փոխնախագահ Գորդոն Բիրելը հայտարարել է, որ Բաքու-Սուպսա նավթամուղի օպերատորությունը հունիսի 8-ին կփոխանցվի Ադրբեջանի և Վրաստանի կառավարություններին (ակտիվները կվերադարձվեն ազգային հատվածների սեփականատերերին):Հաղորդվում է նաև, որ «գործառույթների փոխանցման ընթացակարգն առաջ է գնում խիստ ըստ գրաֆիկի»։Խնդիրն այն է, որ Ադրբեջանը նվազեցնում է նավթի արդյունահանման ծավալները՝ 10 տարում տարեկան միջինում 3,6%-ով: Sputnik Ближнее зарубежье-ին տված հարցազրույցում նման կարծիք է հայտնել ՌԴ Ֆինանսական համալսարանի և Ազգային էներգետիկ անվտանգության հիմնադրամի փորձագետ Իգոր Յուշկովը:Համապատասխանաբար, Յուշկովի գնահատմամբ, Ադրբեջանում արդյունահանման անկման պատճառով հիմնական նավթամուղները թերբեռնված են, իսկ դրանք բեռնելու համար ներդրումներ են անհրաժեշտ։ Չէ՞ որ որքան քիչ նավթ է անցնում, այնքան ավելի թանկ է նստում յուրաքանչյուր տոննա նավթի մղումը, հետևաբար սակագինն ու ինքնարժեքը կաճեն:Այնպես որ, BP-ի դերը նվազում է, թեև այն կմնա բաժնետերերի կազմում:
ադրբեջան
թուրքիա
վրաստանի հանրապետություն
2026
Լուրեր
am_HY
https://cdn.am.sputniknews.ru/img/892/58/8925893_228:0:1992:1323_1920x0_80_0_0_288e70479f878542ff0e3e2c86ccd376.jpg.webp
նավթ, socar նավթային ընկերություն , ադրբեջան, թուրքիա, վրաստանի հանրապետություն
նավթ, socar նավթային ընկերություն , ադրբեջան, թուրքիա, վրաստանի հանրապետություն
Ռուս փորձագետի կարծիքով՝ խնդիրն այն է, որ Ադրբեջանը նվազեցնում է նավթի արդյունահանման ծավալները. 10 տարվա ընթացքում ծավալները նվազել են միջինում տարեկան 3,6% -ով։
ԵՐԵՎԱՆ, 2 հունիսի – Sputnik. British Petroleum անդրազգային նավթագազային կորպորացիան Ադրբեջանին է փոխանցում երկու ռազմավարական նավթամուղների օպերատորի գործառույթները:
Ինչպես հայտնել է Ադրբեջանի, Վրաստանի և Թուրքիայի գծով BP-ի տարածաշրջանային նախագահ Ջո Քրիստոֆոլին, Բաքու-Թբիլիսի-Ջեյհան նավթամուղի կառավարումը հուլիսի 1-ից կանցնի Ադրբեջանի պետական նավթային ընկերությանը՝ SOCAR-ին:
Իսկ BP-ի արդյունահանման և գործառնությունների գծով փոխնախագահ Գորդոն Բիրելը հայտարարել է, որ Բաքու-Սուպսա նավթամուղի օպերատորությունը հունիսի 8-ին կփոխանցվի Ադրբեջանի և Վրաստանի կառավարություններին (ակտիվները կվերադարձվեն ազգային հատվածների սեփականատերերին):
Հաղորդվում է նաև, որ «գործառույթների փոխանցման ընթացակարգն առաջ է գնում խիստ ըստ գրաֆիկի»։
Խնդիրն այն է, որ Ադրբեջանը նվազեցնում է նավթի արդյունահանման ծավալները՝ 10 տարում տարեկան միջինում 3,6%-ով: Sputnik Ближнее зарубежье-ին տված հարցազրույցում նման կարծիք է հայտնել ՌԴ Ֆինանսական համալսարանի և Ազգային էներգետիկ անվտանգության հիմնադրամի փորձագետ Իգոր Յուշկովը:
«Սրանք զգալի թվեր են, այնպես որ այնքան էլ կարևոր չէ, թե ով է հիմա Բաքու-Թբիլիսի-Ջեյհան և Բաքու-Սուպսա խողովակաշարերի օպերատորը»,-հավելել է նա:
Համապատասխանաբար, Յուշկովի գնահատմամբ, Ադրբեջանում արդյունահանման անկման պատճառով հիմնական նավթամուղները թերբեռնված են, իսկ դրանք բեռնելու համար ներդրումներ են անհրաժեշտ։ Չէ՞ որ որքան քիչ նավթ է անցնում, այնքան ավելի թանկ է նստում յուրաքանչյուր տոննա նավթի մղումը, հետևաբար սակագինն ու ինքնարժեքը կաճեն:
Այնպես որ, BP-ի դերը նվազում է, թեև այն կմնա բաժնետերերի կազմում: