Վոլոդիմիր Զելենսկին Կիևում ընդունել է ամերիկացի կոնգրեսականների, քննարկել Ուկրաինայի օդային պաշտպանության ամրապնդման հարցը։ Ուկրաինայի նախագահը նշել է, որ իր երկրին անհրաժեշտ են հակաբալիստիկ հրթիռներ:
Անդրադարձ է եղել հակառուսական պատժամիջոցներին, առաջնագծում իրավիճակին և ԱԹՍ-ների ոլորտում ԱՄՆ-ի հետ հնարավոր համատեղ նախագծերին:
«Կարևոր է, որ Ամերիկան լսի Ուկրաինային՝ թեև հասկանում ենք, որ հիմա ուշադրությունը կենտրոնացած է Իրանի վրա», – շեշտել է Զելենսկին։
Նա նաև հաստատել է, որ նամակ է հղել ԱՄՆ նախագահին և Կոնգրեսին՝ ահազանգելով Ուկրաինայում ՀՕՊ համակարգերի պակասի մասին։
«Հարկավոր է դադարեցնել պատերազմը նաև այստեղ՝ Եվրոպայում: Որքան շուտ կարողանանք ապահովել բալիստիկ հրթիռներից պաշտպանությունը, այնքան ավելի շուտ կկարողանանք թափ հաղորդել դիվանագիտությանը», – համոզմունք է հայտնել Ուկրաինայի նախագահը:
Դիտումների քանակ1