«Արցախ», «Ղարաբաղյան շարժում» և «հայ զինվոր» բառերը հեռու պահեք ձեր կեղտոտ բերաններից։ Այս մասին ասել է «Միասնության թևեր» կուսակցության վարչապետի թեկնածու Արման Թաթոյանը՝ անդրադառնալով Նիկոլ Փաշինյանի այն հայտարարությանը, թե Ղարաբաղյան շարժումը ճակատագրական սխալ է եղել մեզ համար։
«1988 թվականին հայ ժողովուրդը որոշեց, որ առաջին Հայոց ցեղասպանության ժամանակ մեր ժողովրդի հետ տեղի ունեցածը երբեք այլևս չի կրկնվելու, ու դա պարտադրված շարժում էր: Առաջին պատերազմում հաղթելով՝ մենք դա ապահովեցինք։ Քո ղեկավարության ներքո երկրորդ Արցախյան պատերազմը պարտվելով՝ մենք ապրեցինք երկրորդ ցեղասպանությունը»,- ասել է Արման Թաթոյանը։
ՄԻԱՍՆՈՒԹՅԱՆ ԹԵՎԵՐ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: