Հայաստանի վարչապետ Նիկոլ Փաշինյանը լրագրողների հետ ճեպազրույցում նշեց, որ վերջին շրջանում ստորագրված ռազմավարական համագործակցության հռչակագրերն ու միջազգային պայմանավորվածությունները Հայաստանի համար բացում են «անսահմանափակ հնարավորություններ»՝ ներդրումների, ենթակառուցվածքների, բիզնեսի և կրթության ոլորտներում։
«Հայաստան-Եվրամիություն առաջին գագաթնաժողովի ընթացքում հինգ ընկերությունների հետ փոխանակվեցին մտադրությունների հուշագիր: Սա նշանակում է նոր ֆինանսական ներդրումների և նոր շուկաների, նոր պատվերների հնարավորություն այդ ընկերությունների հետ: Ֆրանսիայի հետ մենք շատ կարևոր թուղթ ստորագրեցինք Բարգուշատի թունելի կառուցման կապակցությամբ և կրկնակի էֆեկտ ենք սպասում: Նախ ուզում եմ արձանագրել և բոլորիս շնորհավորել, որ Հյուսիս-հարավ ճանապարհը արդեն միս ու արյուն է ստանում: Աշտարակ-Գյումրի հատվածը արդեն պատրաստ է, հույս ունեմ երթևեկել եք, եթե չեք երթևեկել՝ անպայման երթևեկեք»,- ասաց Փաշինյանը։
Վարչապետը կարևորեց նաև այն փաստը, որ Եվրոպական միությունը հայտարարություն է ընդունել՝ ներդրողներին կոչ անելով ներդրումներ կատարել Հայաստանում։ Նրա գնահատմամբ՝ սա նոր բիզնես հնարավորություններ է ստեղծում հայկական ընկերությունների համար։
Մանրամասները՝ տեսանյութում։