ՀԱՊԿ-ն ակնկալում է, որ Հայաստանի և Ադրբեջանի միջև հարաբերությունների կարգավորումը կհանգեցնի Հարավային Կովկասում հուսալի և կայուն խաղաղության հաստատման։
Նման հայտարարություն է արել ՀԱՊԿ գլխավոր քարտուղար Թաալաթբեկ Մասադիկովը կազմակերպության խորհրդարանական վեհաժողովի խորհրդի նիստում։
«Մենք չենք թուլացնում ուշադրությունը հավաքական անվտանգության կովկասյան տարածաշրջանում տիրող իրավիճակի նկատմամբ։ Այնտեղ, կարծես, շարունակվում են ամուր խաղաղության և կայունության որոնումները։ Մենք նկատում ենք հուսադրող միտումներ՝ ուղղված երկու երկրների միջև համապարփակ միջպետական խաղաղության համաձայնագրի ստորագրմանը։ Ակնկալում ենք, որ հայ-ադրբեջանական հարաբերությունների կարգավորումը հուսալի ճանապարհ է դեպի ամուր խաղաղություն և կայունություն Հարավային Կովկասում»,- նշել է նա։