«ՔՊ-ի հաղթանակի եւ Նիկոլ Փաշինյանի վերընտրվելու դեպքում Հայաստանին նոր պատերազմ է սպառնում»,- այս մասին ասուլիսում հայտարարեց «Միասնության թեւեր» քաղաքական նախաձեռնության ղեկավար Արման Թաթոյանը:
Նա նաեւ նշեց, որ Նիկոլ Փաշինյանի սպառնալիքները, թե իրենց չընտրվելու դեպքում պատերազմն անխուսափելի է, պետք է անպայման ուսումնասիրվեն իրավապահների կողմից, որովհետեւ դրանք ոչ միայն հակասում են Հայաստանի շահերին, այլ ագրեսիայի դեպքում կարող են օգնել Ադրբեջանին:
«Միասնության թեւեր» քաղաքական նախաձեռնության ղեկավարի ձեւակերպմամբ, Փաշինյանն ու «ՔՊ»-ն կամ չեն հասկանում, կամ հասկանալով՝ միտումնավոր են անում իրենց բոլոր գործողությունները, մասնավորապես Ադրբեջանին արվող մշտական զիջումները բաց հրավեր են՝ առաջ գնալու եւ ավելին պահանջելու համար:
Արման Թաթոյանի խոսքով, ճշմարտությունը թաքցվում է միջազգային հանրությունից, իսկ Փաշինյանի թիմի քայլերը բխում են իրենց իսկ սեփական պարտվողական հոգեբանությունից:
Արման Թաթոյանի ասուլիսն ամբողջությամբ.
Գոհար ՀԱԿՈԲՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: