Արշակ արքեպիսկոպոս Խաչատրյանի կողմից թմրամիջոցի իրացման գործով այսօր Արմավիրի մարզի առաջին ատյանի ընդհանուր իրավասության դատարանում դատավոր Գեւորգ Մանուկյանի նախագահությամբ տեղի ունեցավ առաջին դատական նիստը:
Նիստը նախագահողը հայտնեց, որ այս գործով մեղադրող դատախազի հետ աշխատել է նախկինում, ինչը պաշտպանական թիմի համար առիթ դարձավ նրան ինքնաբացարկի միջնորդություն ներկայացնելու:
Հիշեցնենք, որ այս գործով Արշակ սրբազանին մեղադրանք է ներկայացվել, որ 2018 թվականին անհայտ անձին հանձնարարել է «Նոր Հայաստան, նոր հայրապետ» շարժման անդամներին վարկաբեկելու նպատակով ակցիայի մասնակիցների ուսապայուսակի մեջ մարիխուանա գցել:
Դատարանը պաշտպաններից պահանջեց գրավոր տարբերակով միջնորդությունը եւ քննարկելով՝ այն բավարարեց ու հայտնեց ինքնաբացարկ: Նիստը հետաձգվեց: Դատարանի որոշումը ընդունվեց ծափահարություններով:
Արփինե ՍԻՄՈՆՅԱՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: