Պենտագոնը չի մեկնաբանում Մերձավոր Արևելք ծովային հետևակայիններ ուղարկելու մասին լուրը

by

https://arm.sputniknews.ru/20260317/pentagvony-chi-meknabanum-merdzavvor-arevelq-tsvovajin-hetevakajinner-ugharkelu–masin-lury-99961113.html

media@sputniknews.com

+74956456601

MIA „Rossiya Segodnya“

2026

Sputnik Արմենիա

media@sputniknews.com

+74956456601

MIA „Rossiya Segodnya“

Լուրեր

am_HY

Sputnik Արմենիա

media@sputniknews.com

+74956456601

MIA „Rossiya Segodnya“

https://cdn.am.sputniknews.ru/img/809/70/8097072_123:0:2854:2048_1920x0_80_0_0_931ca0b50446d81f851914a6bc96e708.jpg.webp

Sputnik Արմենիա

media@sputniknews.com

+74956456601

MIA „Rossiya Segodnya“

ամն, նավ, դեսանտ

ամն, նավ, դեսանտ

Բաժանորդագրվել

Հեռուստաալիքի տեղեկատվության համաձայն՝ խոսքը Օկինավայում տեղակայված ԱՄՆ ծովային հետևակի 31-րդ էքսպեդիցիոն ստորաբաժանման մասին է, որն ունի շուրջ 2,2 հազարանոց անձնակազմ:

ԵՐԵՎԱՆ, 17 մարտի – Sputnik. ԱՄՆ պատերազմի նախարարությունը հրաժարվել է հաստատել «USS Tripoli» դեսանտային նավը ծովային հետևակի ստորաբաժանումներով Մերձավոր Արևելք տեղափոխելու մասին տեղեկությունը՝ հղում կատարելով ուժերի օպերատիվ մանևրման մանրամասները չհրապարակելու քաղաքականությանը:

Ավելի վաղ CNN հեռուստաալիքը, վկայակոչելով տեղափոխման պլանների մասին տեղյակ աղբյուրները, հայտնել էր, որ ԱՄՆ ռազմածովային ուժերի «USS Tripoli» դեսանտային նավը ծովային հետևակի ստորաբաժանումներով անցել է Սինգապուրը և ուղևորվում է Մերձավոր Արևելք՝ Իրանի դեմ ռազմական գործողությանը մասնակցելու նպատակով:

Հեռուստաալիքի տեղեկատվության համաձայն՝ խոսքը Օկինավայում տեղակայված ԱՄՆ ծովային հետևակի 31-րդ էքսպեդիցիոն ստորաբաժանման մասին է, որն ունի շուրջ 2,2 հազարանոց անձնակազմ: Աղբյուրները պնդում են, որ այն տեղակայվել է ի կատարումն Պենտագոնի կարգադրության, սակայն կոնկրետ նպատակակետն ու խնդիրները պաշտոնապես չեն բացահայտվում:

«Գործողությունների անվտանգությունն ապահովելու նպատակով մենք չենք մեկնաբանում ուժերի ապագա կամ հնարավոր տեղաշարժերը», – ասված է ՌԻԱ Նովոստիի հարցմանը Պենտագոնի պաշտոնական պատասխանում:

Ավելի վաղ Wall Street Journal-ը հայտնել էր, որ ԱՄՆ-ն Մերձավոր Արևելքում էսկալացիայի ֆոնին տարածաշրջան է ուղարկում դեսանտայիններ և ծովային հետևակի էքսպեդիցիոն ջոկատ: Նման ստորաբաժանումներում, որպես կանոն, ընդգրկվում են մի քանի ռազմանավ և մինչև հինգ հազար ծովային հետևակային։

Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին:

Իրանի շուրջ էսկալացիան հանգեցրել է Հորմուզի նեղուցի՝ Պարսից ծոցի երկրներից նավթի ու հեղուկացված բնական գազի համաշխարհային շուկա մատակարարումների առանցքային երթուղու փաստացի արգելափակմանը։

Leave a comment